Die Gautengse paaie-departement sê ‘n pad in die Randfontein-omgewing wat ook soms deur Merafong-inwoners gebruik word, gaan van dié week tydelik gesluit word.

  Volgens ‘n amptenaar van dié departement, mnr. Dikkie Beukes, word die pad tussen Randfontein en Tarlton wat verby Wolfaardt-boerdery en die Randfontein begraafplaas loop, van Vrydag, 10 Februarie, vir verkeer gesluit.

  Dié pad, wat dikwels as ‘n vinniger roete gebruik word deur mense wat in die Randfontein-omgewing ry, is reeds vir ‘n geruime tyd in ‘n haglike toestand.

  Die pad sal tot verdere kennisgewing gesluit wees sodat dit herbou kan word.