Die Carletonville Herald het die
afgelope week goeie terugvoer gekry op verskeie berigte wat verlede week
gedoen is.
Die oop mangat voor die huis van me. Ina
Delport op die hoek van Juliana- en Langstraat is kort ná die berig
daaroor verskyn het, met ‘n betondeksel (inlas) toegemaak.
Die berig van die Herald oor die
besoedelde mynwater wat in die kanaal deur Caletonville vloei, het ook
die gewensde optrede tot gevolg gehad. Blyvooruitzicht het erken dat
daar ‘n rioollek by dié myn is en dadelik daaraan aandag gegee.
Met die Herald se besoek aan die kanaal
Maandagmiddag was dit bykans heeltemal droog, met net ‘n klein poel
water wat in ‘n toegegroeide deel naby Langstraat opgedam het. Die
Merafong munisipaliteit het egter op die oog af nog geen poging
aangewend om die kanaal skoon te maak nie en ‘n versameling plante en
rommel, waaronder verskeie motorbande, was in die leë kanaal te sien.
Die karkasse wat verlede week in die veld oorkant
Grundlingstraat in Uitbreiding 9 gelê het, is ook opgetel.
